فــزاعة بإسم تركي ال الشيخ ....
💥 كفاية بقي فزاعة تركي ال الشيخ تفضل متحكمه فينا ..
🚩 احنا جميعا اخطأنا لما نقلنا المشاكل ع الفيس وتصورنا ان بالهجوم عليه بنرد حق المجلس اللي هو اصلا ماردش في اي مره ونسينا ان النتائج هي الحكم ..
🚩 بدأنا الموسم بتفكير كارثي اثر علي كل حاجه بعد كدا ولما جبنا جهاز فني (مرقع) حطينا صورة تركي ادامنا وقلناله فيه أجانب بتحب الاهلي وشرياه ونسينا هل هو كويس او لا و نسينا التدعيم اللي كان المفروض يحصل مع مرور الوقت لغاية خسارة أفريقيا ..
🚩 لما استمرينا في افريقيا واتاهلنا للنهائي كان الهدف الاول اننا ناخد افريقيا علشان نوصله رساله انك ماثرتش فينا مش علشان لازم نكسب افريقيا علشان اسمنا الاهلي ..
🚩 خرجنا من افريقيا وكان الكل باصص ل شماتة تركي وبعد كدا هاجمنا المجلس بسبب تقصير سنه كاملة بس صورة تركي ..
🚩 جينا ليناير ولما الخطيب فاق واتعاقد مع صفقات جديدة ب 200 مليون تقريبا كلنا وجهنا اصابعنا ناحيه ترك برضو وقولنا اشترينا بفلوسنا ..
🚩 خسرنا اول ماتش لبيراميدز في الدور الاول مع لاسارتي وعدينا الموضوع بعد تحسن النتائج في الدوري ونيجي بعد فترة نخرج من افريقيا ونخسرها للمرة التانيه في موسم واحد اللي هي الأمل الاخير في الموسم الحالي و للاسف ناس كتير وانا منهم قال نستمر ونصبر لان الموسم رايح لخراب والامل الاخير يتلحق بالدوري واول الطريق من ماتش بيراميدز (الثأري) ..
🚩 كثيرين قالو ان تم الهاء الفريق بمشاكل قبل بداية الموسم و قبل نهائي الترجي و قبل مباراة صن داونز حتي قبل مباراة بيراميدز .. بس الحقيقه ان تم الهائنا جميعا (بايدينا) عن الموسم كاملا ب شخص تركي ال الشيخ ..
💥 الخلاصة بتقول ان بعد تقريبا 8-9 اشهر من بداية الموسم خسرنا 3 بطولات منهم 2 بطولة افريقيه رسمية و تركي ال الشيخ عمل فريق كامل لاعيبين و اجهزه فنيه متعاقبه وستاد خاص بيه واصل حاليا للمركز الاول في الدوي وسيساهم بشكل كبير في تحديد بطل الدوري السنادي واحنا لسه مش عارفين نبدأ ازاي ...
🖍 رسالة ل رئيس النادي الاهلي محمود الخطيب: تحملنا لمدة 4 سنوات مع المهندس محمود طاهر كوارث عديدة في اتجاهات مختلفه وهو بدون رصيد سابق عند الجمهور ولكن لانه الكيان ونظامه علينا احترام اراء الجمعيه العمومية وعندما اتيت انت بيبو الرمز و التاريخ صاحب الرصيد الكبير عند الجمهور لا نتمني ابدا ان تخرج وانت رئيسا للنادي من الباب الضيق وتخسر رصيدك عند الجمهور فرجاءا عليك التركيز و العمل بشكل صحيح لاعادة هيبة و قوة الكيان الاهلاوي علي كل الاصعده ..
